شعر حزين .....

زائر

شعرحزين

--------------------------------------------------------------------------------

ليته قبل مايفارقني حفر قبري ............ اكون للقبر أهون من حضن غيره

ابيع العمر انا لجلك ولا ترحل ابد عني ............. ابي اغرق انا بقربك قربك بس يكفيني

لك عيوني ياعيوني لو تبيها بين يديك ........... لك حياتي ياحياتي صدق ماتغلى عليك

مثل العسل وسط الضماير غلاكم........ وانتم عسل كل الليالي والايام

يامن وداعه كنه موادع الروح.......... لوهو بكيفي عنك مااروح ساعه

هذا حبيبي وهذا اللي تمنيته ......... ماغيرك احد ملا قلبي ولاعيني

مشتاق اسولف معاك واحس لحظه بهواك....... من كثر مااقول غالي زاد بغيابك غلاك

اذكريني لانتهت للشمس رحلة مع نهار ........ واذكريني لا صحا للصبح ورد الياسمين

كل ماجيت انحرم منك اشتهيت .......... طعم حبك لين صرتي لي هوايه

ياحبني لك دون كل المخاليق....... يالي تساوي كل شي بحياتي

ليت السعادة رهينة راحة ايديني ........ واعطيك واعطي البشر باقي امانيها

احبك موت في غيابك ولاشفتك احبك زود ....... احبك في ابتسام الوقت احبك في جفا ايامي

غيرك ماطرا ياشوق لو لاح فسماي بروق....... ما للحب بعدق ذوق ابصم لك على العشره

كل ما ادفن خيالك ياعنيد ........ تمطر الدمعه وينبت من جديد

ابغاك تعرف صاحبك مين وابغاك.............تدرك بأنك داخلي وين ماتروح

ياصاحبي الروح من فرقاك منصابه .............. من بين فرقاك من غيرك يداويها

ان غبت جابك في حلا نومي الطيف ................. وان شفت زولك كل شي صفالي

انت ساكن بين شعوري ولاسكنت اشجاني ........... انت لابسني غياب المغترب واقباله

في صدري اسمع صوت شي يتكسر................. بالليله اللي ليلها صار ليلين

ترى والله اني كل ماطق عود عود .......... خيالك وزولك ياهوى البال يطريلي

تعال فتشني من اقصاي لاقصاي........... وبحق ماتلقى سواك انت فيني

بقول لك كلمتين وباختصار شديد ........ ان كان للزين ديرة فانت العاصمه

لامرني طيفه اضمه حيل باحضاني ............... وشلون لاجيت عندي وشافتك عيني

ماني على فرقاك ياصاحبي راضي ........ حسبي على من تسبب بيني وبينك

قالو توادع قلت ياصعب الوداع ........... وشلون اوادع من معه قلبي وديعه

غريبة قصة الدمعه واهي تغسل جفون العين.... تريح جفن باكيها واهو في غمة احزانه

لك العذر لو شفتني بعين الاوهام ........ دمعه لقت في الحلم بعض الحقيقه

صدك عن اللي ملتفت لك ردي حظ .............. وركضك ورا اللي ماهو بيمك قراده